အမျိုးသားယဉ်ကျေးမှုနှင့်အနုပညာတက္ကသိုလ်(ရန်ကုန်)က ကြီးမှူးကျင်းပသည့်  “မြန်မာ့ ရိုးရာ အတာသင်္ကြန်၏  အနှစ်သာရနှင့် ယဉ်ကျေးမှုပုံရိပ်များ  စာတမ်းဖတ်ပွဲ”    အခမ်းအနားကို  ၆-၃-၂၀၂၃ ရက်နေ့၊ နံနက် ၈:၃၀ နာရီတွင် အမျိုးသားယဉ်ကျေးမှုနှင့်အနုပညာတက္ကသိုလ် (ရန်ကုန်)၊ သရဖီဆောင်၊ အနုပညာခန်းမ၌ ကျန်းမာရေးဝန်ကြီးဌာနမှ ထုတ်ပြန်သည့် ကိုဗစ်-၁၉ ရောဂါ ကာကွယ်ရေးဆိုင်ရာ သတ်မှတ်စည်းမျဉ်းစည်းကမ်းများနှင့်အညီ ကျင်းပခဲ့ပါသည်။

          အခမ်းအနားသို့ ရန်ကုန်တိုင်း‌ဒေသကြီးအစိုးရအဖွဲ့ ဝန်ကြီးချုပ်နှင့် အစိုးရအဖွဲ့ဝင် ဝန်ကြီးများ၊ သာသနာရေးနှင့်ယဉ်ကျေးမှုဝန်ကြီးဌာနအောက်ရှိ ဦးစီးဌာနများနှင့် ဌာနဆိုင်ရာ တာဝန် ရှိသူများ၊ အမျိုးသားယဉ်ကျေးမှုနှင့်အနုပညာတက္ကသိုလ်(ရန်ကုန်)မှ ပါမောက္ခချုပ်၊ ဒုတိယပါမောက္ခချုပ် များ၊ ပါမောက္ခ/ဌာနမှူးများ၊ တက္ကသိုလ်၊ ကောလိပ်များမှ ပါမောက္ခချုပ်များ၊ ဒုတိယပါမောက္ခချုပ် များ ၊ စာတမ်းသဘာပတိအဖွဲ့ဝင်များ၊ စာတမ်းရှင်များ၊ ရန်ကုန်တိုင်းဒေသကြီး အမျိုးသားဒြပ်မဲ့ ယဉ်ကျေးမှုအမွေအနှစ်ထိန်းသိမ်းမြှင့်တင်ရေး ကော်မတီဝင်များ၊  ဆရာ၊ ဆရာမ များ၊ ဝန်ထမ်းများ၊ ကျောင်းသား၊ ကျောင်းသူများနှင့် အခြားဖိတ်ကြားထားသော   ဧည့်သည်တော်များ စုစုပေါင်း (၄၄၈)ဦး တက်ရောက်ခဲ့ကြပါသည်။

          အခမ်းအနားတွင် ရန်ကုန်တိုင်း‌ဒေသကြီးအစိုးရအဖွဲ့ ဝန်ကြီးချုပ် ဦးစိုးသိန်းက အဖွင့်အမှာ စကားပြောကြားခြင်း၊ အမျိုးသားယဉ်ကျေးမှုနှင့်အနုပညာတက္ကသိုလ်(ရန်ကုန်) ပါမောက္ခချုပ် ဒေါက်တာကေသီထွေးက မြန်မာ့ရိုးရာအတာသင်္ကြန်၏ အနှစ်သာရနှင့်ယဉ်ကျေးမှု ပုံရိပ်များ စာတမ်းဖတ်ပွဲကျင်းပခြင်းနှင့်ပတ်သက်၍ ရှင်းလင်းတင်ပြခြင်း၊ အမျိုးသားယဉ်ကျေးမှုနှင့် အနုပညာ တက္ကသိုလ်(ရန်ကုန်)၏ ၂၀၂၂-၂၀၂၃ ပညာသင်နှစ် မြန်မာ့ရိုးရာယဉ်ကျေးမှုနှင့်အညီ “NUAC(YGN) တက္ကသိုလ်မိသားစုသင်္ကြန်”ကျင်းပခဲ့သည့် Video Clipအား ပြသခဲ့ပြီး စုပေါင်းမှတ်တမ်းတင် ဓာတ်ပုံ ရိုက်ကူးခဲ့ကြပါသည်။

စာတမ်းဖတ်ကြားခြင်း ပထမပိုင်းအစီအစဉ်တွင် သဘင်ပညာဌာနမှ ပါမောက္ခ/ဌာနမှူး ဦးခိုင်ထွန်းက “ကမ္ဘာ့ရွာကမြန်မာ့အတာ”စာတမ်းကို ဖတ်ကြားဆွေးနွေးခဲ့ပြီး အမျိုးသားယဉ်ကျေးမှု နှင့်အနုပညာတက္ကသိုလ်(ရန်ကုန်)၊ ပညာရေးအဖွဲ့ဝင်၊ ဒုတိယပါမောက္ခချုပ်(သင်ကြား)(ငြိမ်း) ဦးအောင်ကိန်းက သဘာပတိအဖြစ်လည်းကောင်း၊ ရုပ်ရှင်နှင့်ပြဇာတ်ပညာဌာနမှ တွဲဖက်ပါမောက္ခ/ဌာနမှူး ဒေါ်မင်းမင်းစိုးက “လူမှုဘဝကို လွှမ်းမိုးစေခဲ့သည့် မြန်မာသင်္ကြန် ရုပ်ရှင်များ” စာတမ်းကို ဖတ်ကြားဆွေးနွေးခဲ့ပြီး အကယ်ဒမီများရှင်  အလင်္ကာကျော်စွာ စည်သူ ဦးကြည်စိုးထွန်းက သဘာပတိအဖြစ်လည်းကောင်း ဆောင်ရွက်ခဲ့ပါသည်။

          စာတမ်းဖတ်ကြားခြင်း ဒုတိယပိုင်းအစီအစဉ်တွင် စာပေပညာဌာနမှ ကထိက(မြန်မာစာ) (ငြိမ်း) ဒေါ်တင်တင်ထားက “တူယှဉ်နွှဲပျော် မြန်မာ့ရိုးရာသင်္ကြန်ပွဲတော်”  စာတမ်းကိုဖတ်ကြား ဆွေးနွေးခဲ့ပြီး ဒဂုံတက္ကသိုလ်၊ ဒုတိယပါမောက္ခချုပ်(သင်ကြား) ဒေါက်တာထိပ်တင်ဟန်က သဘာပတိအဖြစ်လည်းကောင်း၊ စာကြည့်တိုက်မှူး ဒေါ်မျိုးက “စာအုပ်စာပေက ပြောသည့် မြန်မာ့သင်္ကြန်”စာတမ်းကို ဖတ်ကြားဆွေးနွေးခဲ့ပြီး ဒဂုံတက္ကသိုလ် ဒုတိယပါမောက္ခချုပ် (သင်ကြား) ဒေါက်တာထိပ်တင်ဟန်က သဘာပတိအဖြစ်လည်းကောင်း၊ ပန်းချီပညာဌာနမှ ပါမောက္ခ/ဌာနမှူး ဦးအောင်ပန်းက “သင်္ကြန်ကပြောသည့် ပန်းချီပုံရိပ်များ” စာတမ်းကို ဖတ်ကြားဆွေးနွေးခဲ့ပြီး အမျိုးသားယဉ်ကျေးမှုနှင့်အနုပညာတက္ကသိုလ်(ရန်ကုန်)၊ ပညာရေးအဖွဲ့ဝင်၊ ဒုတိယပါမောက္ခချုပ် (သင်ကြား)(ငြိမ်း) ဝဏ္ဏကျော်ထင် ဦးသစ်လွင်စိုးက သဘာပတိအဖြစ် လည်းကောင်း၊ ဂီတပညာ ဌာနမှ ပါမောက္ခ/ဌာနမှူး ဒေါ်ပြုံးမြမြကြည်က “ခေတ်အဆက်ဆက် ပြောင်းလဲလာသော သင်္ကြန် တေးသီချင်းများ”စာတမ်းကို ဖတ်ကြားဆွေးနွေးခဲ့ပြီးအမျိုးသားယဉ်ကျေးမှုနှင့် အနုပညာတက္ကသိုလ် (ရန်ကုန်)၊ ပညာရေးအဖွဲ့ဝင်၊ ဒုတိယပါမောက္ခချုပ်(သင်ကြား) (ငြိမ်း) ဦးအောင်ကိန်းက သဘာပတိအဖြစ်လည်းကောင်း ဆောင်ရွက်ခဲ့ကြကာ စာတမ်းဖတ်ပွဲသို့ တက်ရောက်လာကြ သူများက အကြံပြုလိုသည်များနှင့် သိရှိလိုသည်များကို မေးမြန်းဆွေးနွေးခဲ့ကြပါသည်။

ဆက်လက်၍ (၇၆)နှစ်မြောက် ပြည်ထောင်စုနေ့အထိမ်းအမှတ်စာကြည့်တိုက် ဉာဏ်စမ်း ပဟေဠိ၊ ဆောင်းပါး၊ ပန်းချီ၊ စာစီစာကုံး၊ ကဗျာပြိုင်ပွဲနှင့် Reading Comprehension on Myanmar Water Festival Contest မှ ဆုရရှိသူများကို ဆုများပေးအပ်ချီးမြှင့်ခဲ့ကြပါသည်။ ထို့နောက် သဘာပတိနှင့် စာတမ်းရှင်များအား အမှတ်တရလက်ဆောင်ပစ္စည်းများပေးအပ်ကာ မြနန္ဒာသင်္ကြန် တေးသီချင်းဖြင့် သီဆိုကပြဖျော်ဖြေတင်ဆက်ပြီး နေ့လယ် ၂:၃၅ နာရီတွင် စာတမ်းဖတ်ပွဲ အခမ်းအနား အောင်မြင်စွာပြီးစီးခဲ့ပါသည်။