အနုပညာဦးစီးဌာန
လေ့ကျင့်ရေးနှင့်သုတေသနဌာနခွဲ၊ သုတေသနဌာနစုတွင် သုတေသနလက်ထောက်(၃)(ဂီတ/သဘင်)နှင့် ထုတ်လုပ်ဌာနခွဲတွင် ကျွမ်းကျင်(၄)(အဆိုအက) ရာထူးနေရာများ ခေါ်ယူခြင်း
၁။ သာသနာရေးနှင့်ယဉ်ကျေးမှုဝန်ကြီးဌာန၊ အနုပညာဦးစီးဌာန၊ လေ့ကျင့်ရေးနှင့် သုတေသနဌာနခွဲ၊ သုတေသနဌာနစုတွင် တာဝန်ထမ်းဆောင်ရန် သုတေသနလက်ထောက်(၃) (ဂီတ/သဘင်)နှင့် ထုတ်လုပ်ဌာနခွဲတွင် တာဝန်ထမ်းဆောင်ရန် ကျွမ်းကျင်(၄)(အဆိုအက) ရာထူး နေရာများအတွက် သတ်မှတ်အရည်အချင်းနှင့် ပြည့်မီသူများကို အောက်ဖော်ပြပါအရေအတွက် အတိုင်း ရွေးချယ်ခန့်အပ်သွားမည်ဖြစ်ပါသည်-
စဉ် ရာထူး လစာနှုန်း ရာထူးနေရာ
(က) သုတေသနလက်ထောက်(၃)(ဂီတ) ၁၉၈၀၀၀-၂၀၀၀-၂၀၈၀၀၀ ၁ နေရာ
(ခ) သုတေသနလက်ထောက်(၃)(သဘင်) ၁၉၈၀၀၀-၂၀၀၀-၂၀၈၀၀၀ ၁ နေရာ
(ဂ) ကျွမ်းကျင်(၄)(အဆိုအက) ၁၈၀၀၀၀-၂၀၀၀-၁၉၀၀၀၀ ၉ နေရာ
၂။ သုတေသနလက်ထောက်(၃)(ဂီတ/သဘင်) ရာထူးနေရာများအတွက် အောက်ဖော် ပြပါ အရည်အချင်းနှင့်ကိုက်ညီသူများ လျှောက်ထားနိုင်ပါသည်-
(က) သက်ဆိုင်ရာ အထူးပြုဘာသာရပ်များအလိုက် ဝိဇ္ဇာဘွဲ့(ဂီတ/သဘင်)ရရှိပြီးသူ ဖြစ်ရမည်၊
(ခ) အသက် ၂၅ နှစ်ထက်မကျော်သူဖြစ်ရမည်၊
(ဂ) အကျင့်စာရိတ္တကောင်းမွန်သူဖြစ်ရမည်။
၃။ ကျွမ်းကျင်(၄)(အဆိုအက) ရာထူးနေရာများအတွက် အောက်ဖော်ပြပါ အရည်အချင်း နှင့် ကိုက်ညီသူများ လျှောက်ထားနိုင်ပါသည်-
(က) ကျွမ်းကျင်(၄)(အဆိုအက)ရာထူးအတွက် ဝိဇ္ဇာဘွဲ့(ဂီတ/သဘင်)ရရှိပြီးသူ
(သို့မဟုတ်) အနုပညာအထက်တန်းကျောင်း(ပန်တျာ)ဆင်းပြီးသူ ဖြစ်ရမည်၊
(ခ) အသက် ၂၅ နှစ်ထက်မကျော်သူဖြစ်ရမည်၊
(ဂ) အနည်းဆုံးအရပ် ၅ ပေ ၂ လက်မ ရှိရမည်၊
(ဃ) ရုပ်ရည်ချောမောလှပသူဖြစ်ရမည်၊
(င) အကျင့်စာရိတ္တကောင်းမွန်သူဖြစ်ရမည်။
၄။ လျှောက်ထားလိုသူများသည် အောက်ဖော်ပြပါ စာရွက်စာတမ်းအထောက်အထားများ ဖြင့် လူကိုယ်တိုင် အနုပညာဦးစီးဌာန၊ စီမံရေးရာဌာနခွဲရုံးခန်း၊ အနုပညာအထက်တန်းကျောင်း (ရန်ကုန်/ မန္တလေး)၊ ထုတ်လုပ်ဌာနစု(ရန်ကုန်/မန္တလေး) သို့ ၂၀၂၃ ခုနှစ်၊ နိုဝင်ဘာလ ၆ ရက်နေ့မှ ၁၇ ရက်နေ့အထိ ရုံးချိန်အတွင်း လာရောက်လျှောက်ထားရမည်ဖြစ်ပါသည်။
(က) CV Form (၆ လအတွင်း ရိုက်ကူးထားသော လိုင်စင်ဓာတ်ပုံ ၂ ပုံ)
(ခ) နိုင်ငံသားစိစစ်ရေးကတ်/ဝန်ထမ်းကတ်(မိတ္တူ)
(ဂ) အခြေခံပညာအထက်တန်းအောင်လက်မှတ်(မိတ္တူ)
(ဃ) အထူးပြုဘာသာရပ်အလိုက် ဘွဲ့လက်မှတ်၊ သင်တန်းဆင်းအောင်လက်မှတ်
(င) အလုပ်သမားမှတ်ပုံတင်မိတ္တူ
(စ) မိမိနေထိုင်ရာဒေသမှ ရပ်ကွက်/ကျေးရွာအုပ်ချုပ်ရေးမှူး၊ ရဲစခန်းတို့မှ အကျင့် စာရိတ္တ ကောင်းမွန်ကြောင်းနှင့် ပြစ်မှုကင်းရှင်းကြောင်းထောက်ခံချက်(မူရင်း)
၅။ လက်တွေ့စစ်ဆေးခြင်းကို ၂၀၂၃ ခုနှစ်၊ နိုဝင်ဘာလ ၂၉ ရက်နေ့၊ နံနက် ၁၀၀၀ နာရီ အချိန်တွင်ရုံးအမှတ်(၃၅)၊ သာသနာရေးနှင့်ယဉ်ကျေးမှုဝန်ကြီးဌာန၊ အနုပညာဦးစီးဌာန၊ လေ့ကျင့် ရေးဇာတ်ရုံတွင် စစ်ဆေးသွားမည်ဖြစ်ပါသည်။ အသေးစိတ်သိရှိလိုပါက အနုပညာဦးစီးဌာန၊ စီမံ ရေးရာဌာနခွဲ ဖုန်း၊ ၀၆၇-၃၄၀၈၀၃၄၊ ၀၆၇-၃၄၀၈၀၃၇၊ အနုပညာအထက်တန်းကျောင်း (ရန်ကုန်) ၀၁၉-၅၅၅၆၄၂၊ ထုတ်လုပ်ဌာနစု(ရန်ကုန်) ၀၁-၅၅၇၀၄၉၊ အနုပညာအထက်တန်းကျောင်း (မန္တလေး) ၀၂-၄၀၆၁၁၆၉၊ ထုတ်လုပ်ဌာနစု(မန္တလေး) ၀၂-၄၀၃၆၁၂၀ များသို့ ရုံးချိန်အတွင်း ဆက်သွယ်မေးမြန်းနိုင်ပါသည်။
အနုပညာဦးစီးဌာန
သာသနာရေးနှင့်ယဉ်ကျေးမှုဝန်ကြီးဌာန
Leave a Reply