နေပြည်တော် ဖေဖော်ဝါရီ ၇
စစ်ကိုင်းတိုင်းဒေသကြီး၊ ကသာခရိုင်၊ အင်းတော်မြို့တွင် ပြည်သူ့ရင်သွေးစာပေနှင့် စာကြည့်တိုက်ဖောင်ဒေးရှင်းမှဦးစီး၍ အင်းတော်မြို့နယ် အထွေထွေအုပ်ချုပ်ရေးဦးစီးဌာန၊ မြို့နယ် ပညာရေးမှူးရုံးနှင့် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ပူးပေါင်း၍ အခြေခံ ပညာအထက်တန်းကျောင်း(အင်းတော်)၌ “စာပေမွေ့ပျော် ကလေးတို့ပွဲတော်”ကို (၁၇–၁–၂၀၂၀) ရက်နေ့မှ (၁၉–၁–၂၀၂၀)ရက်နေ့အထိ (၃)ရက် ကြာကျင်းပပြုလုပ်ခဲ့သည်။
“စာပေမွေ့ပျော်ကလေးတို့ပွဲတော်”၏ နောက်ဆုံးနေ့ဖြစ်သည့် (၁၉–၁–၂၀၂၀) ရက်နေ့ တွင် အမျိုးသားစာကြည့်တိုက် (နေပြည်တော်)မှ လက်ထောက်ညွှန်ကြားရေးမှူး ဒေါ်လတ်လတ်ချို က အခြေခံစာကြည့်တိုက် ပညာရပ်ဆိုင်ရာသင်ခန်းစာကိုလည်းကောင်း၊ ဦးစီးအရာရှိ ဒေါ်ရွှေနွယ်စိုး ကအသံထွက်၍ စာဖတ်ခြင်းလမ်းညွှန်များကိုလည်းကောင်း သွားရောက်ပို့ချခဲ့ရာ အခြေခံပညာ ကျောင်းများမှ ကျောင်းစာကြည့်တိုက် တာဝန်ခံများ စုစုပေါင်း (၅၂) ဦး တက်ရောက်ခဲ့ပါသည်။
