လေ့ကျင့်ရေးနှင့်သုတေသနဌာနခွဲအနေဖြင့် လုပ်ငန်းတာဝန်များချမှတ် အကောင်အထည်ဖော် ဆောင်ရွက်လျက်ရှိပါသည်။ လုပ်ငန်းတာဝန်များအနက်မှ မြန်မာသီချင်းကြီးများကို မူမှန်ပြုလုပ်ခြင်း၊ သီချင်းကြီးစာသားများကို ပုံနှိပ်ထုတ်ဝေဖြန့်ချိခြင်း၊ မြန်မာ့ရိုးရာယဉ်ကျေးမှုဖြစ်သော ကျေးလက် တေးသီချင်းများ စုဆောင်းမှတ်တမ်းတင်ခြင်း၊ ကွင်းဆင်းသုတေသနပြု မှတ်တမ်းများပြုစု၍ ပုံနှိပ်ထုတ်ဝေခြင်း စသည်တို့ကိုဆောင်ရွက်လျက်ရှိပါသည်။ ထုတ်ဝေထားသော အနုသုခုမဆိုင်ရာ စာအုပ်များကို ယဉ်ကျေးမှုဝန်ကြီးဌာန၊ အနုပညာဦးစီးဌာန၊ လေ့ကျင့်ရေးနှင့်သုတေသနဌာနခွဲတွင် လွတ်လပ်စွာဝယ်ယူနိုင်မည်ဖြစ်ပါသည်။

ဝယ်ယူရရှိနိုင်မည့်စာအုပ်များမှာ

နိုင်ငံတော်မူမဟာဂီတစာအုပ်တွင် ကြိုး ၄၃ ပုဒ်၊ ဘွဲ့ ၉ ပုဒ်၊ သီချင်းခံ ၁၄ ပုဒ်၊ ပတ်ပျိုး ၄၇ ပုဒ်၊ ယိုးဒယား ၃၇ ပုဒ်၊ မွန် ၇ ပုဒ်၊ လေးထွေသံကပ် ၂ ပုဒ်၊ မြင်းခင်း ၁ ပုဒ်၊ လောကနတ်ချင်း ၁ ပုဒ်၊ ဒိန်းသံ ၁ ပုဒ်၊ ကရင်သြ ၂ ပုဒ်၊ ဘောလယ် ၃ ပုဒ်၊ တေးထပ် ၁ ပုဒ်၊ ရှစ်ဆယ်ပေါ်တေးထပ် ၁ ပုဒ် စုစုပေါင်းမဟာဂီတဝင် တေးသီချင်းကြီး ၁၆၉ ပုဒ် ပါဝင်ပါသည်။

မဟာဂီတ သီချင်းကြီးများစိစစ်ရေးနှင့် ဂီတသင်္ကေတ မှတ်တမ်းပြုစုရေး ကော်မတီ၏ စာသားစိစစ်ရေး ဆပ်ကော်မတီမှ တည်းဖြတ်ကာနိုင်ငံတော်မူအဖြစ် ပုံနှိပ်ထုတ်ဝေခဲ့ပါသည်။

အဆိုပါစာအုပ်တွင် ၂၀၁၈ ခုနှစ်၌ ကျင်းပခဲ့သောပထမအကြိမ်၊ ပန်းဆယ်မျိုး အနုပညာဆိုင်ရာ သုတေသနစာတမ်းဖတ်ပွဲတွင် တင်သွင်းခဲ့သည့် ဦးမြင့်တင် (မှတ်ကျောက်) ပန်းထိမ်ပညာရှင်၊ နာယက မြန်မာနိုင်ငံရိုးရာပန်းပညာရှင်များ အစည်းအရုံး၏ “မြန်မာ့ရိုးရာ ရွှေပန်းထိမ်ပညာ”၊ ဦးတင်လှ၏ “မြန်မာ့ရိုးရာငွေပန်းထိမ်ပညာ”၊  ဦးသောင်းထွန်း၊ ယွန်းပညာရှင်၊ ကျောင်းအုပ်ကြီး(ငြိမ်း)၊ ယွန်းပညာ ကောလိပ်၏ “မြန်မာ့ရိုးရာပန်းယွန်းပညာကို ထိန်းသိမ်းခြင်းနှင့် သစ်လွင်ဆန်းသစ်သော အနုပညာ လက်ရာများကိုပေါင်းစည်းခြင်း”၊ ဦးတင်မောင်လွင်၊ ပါမောက္ခ (ပန်းချီ)၊ အမျိုးသားယဉ်ကျေးမှုနှင့် အနုပညာ တက္ကသိုလ် (ရန်ကုန်) ၏ “ မြန်မာ့ပန်းချီပညာ၏ ၂၁ ရာစုဦးကာလတိုးတက်ရောက်ရှိမှုများ”၊ ဒေါ်မြခက်၊ လက်ထောက်ကထိက၊ အမျိုးသားယဉ်ကျေးမှုနှင့်အနုပညာတက္ကသိုလ်(မန္တလေး) ၏ “မြန်မာ့ရိုးရာပန်းချီနှင့် ပြောင်းလဲတိုးတက်မှုများ”နှင့် ဒေါ်ခိုင်သဇင်ထွေး၊ နည်းပြ (ပန်းပု)၊ အမျိုးသား ယဉ်ကျေးမှုနှင့်အနုပညာတက္ကသိုလ် (ရန်ကုန်)၏ “မြန်မာ့ရိုးရာ ပန်းယွန်းပညာနှင့်နည်းပညာ” စာတမ်း ၆ စောင်ကိုစုစည်းထားပါသည်။ ၂၀၀၇-၂၀၀၈ ခုနှစ်တွင် ထုတ်ဝေခဲ့ပါသည်။

• 

မြန်မာ့ဂီတဝေါဟာရအဖွင့် စာအုပ်တွင် မြန်မာ့ဂီတကို လေ့လာလိုက်စားသူများ၊ မြန်မာ့ဂီတ နှင့်ပတ်သက်၍ ဗဟုသုတ ရှာမှီးလိုသူများနှင့် အမျိုးသားယဉ်ကျေးမှုနှင့် အနုပညာတက္ကသိုလ် နှင့် အနုပညာ အထက်တန်းကျောင်းများမှ ကျောင်းသား၊ ကျောင်းသူများအတွက် အထောက်အကူပြုစေရန် ရည်ရွယ်ပြီး မြန်မာ့ဂီတဝေါဟာရစကားလုံးပေါင်း ၁၀၃၄ လုံးကို အဓိပ္ပာယ်ဖွင့်ဆိုချက်များနှင့်တကွ စုစည်းတင်ပြထားပါသည်။  ၂၀၁၃- ၂၀၁၄ ခုနှစ်တွင် ထုတ်ဝေခဲ့ပါသည်။

အလှစုံစွာတေးပဒေသာစာအုပ်တွင် မြန်မာ့အသံဦးသန်းမြင့်၏ “ရေဒီယိုတေး”၊ ဒဂုံဆရာတင်၏ “အငြိမ့်သဘင်တေး”၊ သခင်တင်ဦး၏ “ဇာတ်သဘင်တေး”၊ ဦးဝင်းဖေ၏ “ကလေးတေး-လူငယ်တေး” နှင့် စည်သူဗိုလ်ကလေးတင့်အောင်၏ “ပြဇာတ်တေး”စသည့် စာတမ်း ၅ စောင်ကိုစုစည်း၍ပုံနှိပ် ထုတ်ဝေခဲ့ပါသည်။ ၂၀၀၇-၂၀၀၈ နှစ်တွင် ထုတ်ဝေခဲ့ပါသည်။

မြန်မာ့ရိုးရာတူရိယာများဖြစ်သော ကြေး၊ ကြိုး၊ သားရေ၊ လေ၊ လက်ခုပ် စသည့် တူရိယာ ၅ ပါးတွင် ပါဝင်သော ခရုသင်း၊ စောင်း၊ ပတ္တလား၊ အိုးစည်၊ ဒိုးပတ်၊ ဗြော၊ စည်တော်၊ ဆိုင်း (ပတ်ဝိုင်း)၊ ပလွေ၊ နှဲ၊ ကြေးဝိုင်း၊ မောင်းဆိုင်း၊ ပတ်မ၊ ခြောက်လုံးပတ်၊ စခွန့်၊ စည်တို၊ လင်းကွင်း၊ စည်း-ဝါးတို့၏ နောက်ခံသမိုင်းကြောင်း၊ ဖွဲ့စည်းမှု၊ တီးခတ်အသုံးပြုပုံ စသည်ဖြင့် စုံလင်စွာပြုစုလျက် မြန်မာ၊ အင်္ဂလိပ် ၂ ဘာသာဖြင့် ပုံနှိပ် ထုတ်ဝေထားပါသည်။ ၁၉၉၇- ၁၉၉၈ ခုနှစ်တွင် ထုတ်ဝေခဲ့ပါသည်။

အလင်္ကာကျော်စွာ ရွှေမန်းတင်မောင်၏ ဇာတ်သဘင်စာစုများ (၁) စာအုပ်ကို ၂၀၀၀-၂၀၀၁ နှစ်တွင်လည်းကောင်း၊ အလင်္ကာကျော်စွာ ရွှေမန်းတင်မောင်၏ ဇာတ်သဘင် စာစုများ (၂) စာအုပ်ကို ၂၀၀၁- ၂၀၀၂ နှစ်တွင်လည်းကောင်း ထုတ်ဝေခဲ့ပါသည်။  အလင်္ကာကျော်စွာရွှေမန်းတင်မောင်၏ ဆို၊ ငို၊ ပြောသဘင်ပညာရပ်များကိုထိန်းသိမ်းသည့်အနေဖြင့် ၎င်း၏ ဇာတ်စာ၊ ဇာတ်စကားများကို မျိုးဆက်သစ်အနုပညာရှင်များအား လက်ဆင့်ကမ်းအမွေပေးအပ်ရန် ရည်ရွယ်လျက် စာစု (၁) တွင် “အဖေကြီးတီးတဲ့ ရွှေကြေးစည်”၊ “မဏိကက်”၊ “မယားလိမ္မာပူဇိကာ”၊ “မောင်မှူး” ဇာတ်ထုတ်များ၊ စာစု (၂) တွင် “ဝါနရသိင်္ဂီ”၊ “လက်ဝဲသုန္ဒရ”၊ “သန္တိတိ”၊ “သင်္ခ” ဇာတ်ထုတ်များကိုစုစည်း ဖော်ပြ ထားပါသည်။

အဆိုပါ စာအုပ်တွင် မြန်မာအကအခြေခံဖြစ်သော ကဗျာလွတ် ကကွက်များကို နိုင်ငံတော်မူမှန် ဖြစ်စေရန် ရည်ရွယ်ချက်ဖြင့် အမျိုးသမီးကဗျာလွတ်အက (ပထမဆင့်) တွင် ပါဝင်သော ခြေသင်တန်းကကွက် ၁၂ ကွက်၊ ခါးသင်တန်းကကွက် ၄ ကွက်၊ ခေါင်း သင်တန်း ကကွက် ၄ ကွက်၊ လက်သင်တန်း ကကွက် ၅ ကွက်၊ ခေါင်း၊ ခါး၊ ခြေ၊ လက်စုံ ကကွက် ၁၅ ကွက် စုစုပေါင်းကကွက် ၄၀ ကွက်ကို ဓာတ်ပုံ၊ ရှင်းလင်းချက်၊ ဂီတသင်္ကေတများ ဖြင့် ပြည့်စုံစွာ ဖော်ပြထားပါသည်။ ၁၉၉၇- ၁၉၉၈ ခုနှစ် တွင်ထုတ်ဝေခဲ့ပါသည်။

အဆိုပါ စာအုပ်တွင် မြန်မာအကအခြေခံဖြစ်သော ကဗျာလွတ် ကကွက် များကို နိုင်ငံတော်မူမှန် ဖြစ်စေရန် ရည်ရွယ်ချက်ဖြင့် အမျိုးသမီးကဗျာလွတ်အက (ဒုတိယဆင့်) ကကွက် ၁၄ ကွက်၊ ခေါင်း၊ ခါး၊ ခြေ၊ လက်စုံ ကကွက် ၂၅ ကွက်၊ စုစုပေါင်း ကကွက် ၃၉ ကွက် ကို ဓာတ်ပုံ၊ ရှင်းလင်းချက်၊ ဂီတသင်္ကေတများဖြင့် ပြည့်စုံစွာဖော်ပြထားပါသည်။ ၂၀၀၁-၂၀၀၂ ခုနှစ်တွင် ထုတ်ဝေခဲ့ပါသည်။

၂၀၀၁-၂၀၀၂ ဘဏ္ဍာရေးနှစ်အတွင်း မနုဿကျော်ဝင်းရေးသားပြုစုသော အခြေခံပြတိုက်ပညာ စာအုပ်ကို ထုတ်ဝေခဲ့ပါသည်။ အဆိုပါ စာအုပ်တွင် ပြတိုက်အကြောင်းသိကောင်းဖွယ်ရာ၊ ပြတိုက်ဆောက်မည့်နေရာကို ရွေးချယ်ခြင်း၊ ပြတိုက်ပစ္စည်းစုဆောင်းနည်း၊ ပြတိုက်ပစ္စည်း စာရင်း သွင်းနည်း၊ ပြတိုက်ပစ္စည်း ခင်းကျင်းပြသနည်း၊ ပြတိုက်ပစ္စည်းကိုင်တွယ်နည်း၊ ပြတိုက် ပစ္စည်းထိန်းသိမ်းနည်းများနှင့် ပြတိုက်နှင့်ပတ်သက်၍  သုတေသနလုပ်ငန်းများ၊ စီမံခန့်ခွဲမှုလုပ်ငန်း စသည့် အကြောင်းအရာများကို ရေးသား ဖော်ပြထားပါသည်။

၂၀၁၃-၂၀၁၄ ဘဏ္ဍာရေးနှစ်အတွင်း ကွင်းဆင်းသုတေသနပြုလုပ်ကာ စုဆောင်းရရှိခဲ့သော မြန်မာတိုင်းရင်းသားတို့၏ တူရိယာများအနက် ကြိုး တပ်တူရိယာများကို ထုတ်နုတ်ကာ ကြိုးတပ်တူရိယာအဓိပ္ပာယ်ဖွင့်ဆိုချက်နှင့် သမိုင်းအကျဉ်း၊ ကချင်မျိုးနွယ်စုများ၏ ကြိုးတပ်တူရိယာ ၁၁ မျိုး၊ ကယားမျိုးနွယ်စုများ၏ ကြိုးတပ်တူရိယာ ၃ မျိုး၊ ကရင်မျိုးနွယ်စုများ၏ ကြိုးတပ်တူရိယာ ၅ မျိုး၊ ချင်းမျိုးနွယ်စုများ၏ ကြိုးတပ်တူရိယာ ၁ မျိုး၊ ဗမာမျိုးနွယ်စုများ၏ ကြိုးတပ်တူရိယာ ၁ မျိုး၊ မွန်မျိုးနွယ်စုများ၏ ကြိုးတပ်တူရိယာ ၅ မျိုး၊ ရခိုင်မျိုးနွယ်စုများ၏ ကြိုးတပ်တူရိယာ ၆ မျိုး၊ ရှမ်းမျိုးနွယ်စုများ၏ ကြိုးတပ်တူရိယာ ၁၁ မျိုး စုစုပေါင်း ကြိုးတပ်တူရိယာ ၄၃ မျိုး ကိုပြုစုဖော်ပြထားပါသည်။ ၂၀၁၆-၂၀၁၇ ခုနှစ်တွင် မြန်မာတိုင်းရင်းသားရိုးရာကြိုးတပ်တူရိယာများ စာအုပ်ကို ထုတ်ဝေခဲ့ပါသည်။

မြန်မာတိုင်းရင်းသားရိုးရာလေမှုတ်တူရိယာများ စာအုပ်ကို မြန်မာ-အင်္ဂလိပ် ၂ ဘာသာဖြင့် ပြုစုထုတ်ဝေခဲ့ပါသည်။ အဆိုပါ စာအုပ်တွင် ၂၀၁၃- ၂၀၁၄ ဘဏ္ဍာရေးနှစ်အတွင်း ကွင်းဆင်းသုတေသနပြုလုပ်ကာ စုဆောင်းရရှိခဲ့သော မြန်မာ တိုင်းရင်းသားတို့၏ တူရိယာများအနက် လေမှုတ်တူရိယာများကို ထုတ်နုတ်ကာ လေမှုတ် တူရိယာ အဓိပ္ပာယ်ဖွင့်ဆိုချက်နှင့် သမိုင်းအကျဉ်း၊ ကချင်မျိုးနွယ်စုများ၏ လေမှုတ်တူရိယာ ၁၁ မျိုး၊ ကယားမျိုးနွယ်စုများ၏ လေမှုတ်တူရိယာ ၂၀ မျိုး၊ ကရင်မျိုးနွယ်စုများ၏ လေမှုတ်တူရိယာ ၃ မျိုး၊ ချင်းမျိုးနွယ်စုများ၏ လေမှုတ်တူရိယာ ၁၅ မျိုး၊ ဗမာမျိုးနွယ်စုများ၏ လေမှုတ် တူရိယာ၂မျိုး၊ မွန်မျိုးနွယ်စုများ၏ လေမှုတ်တူရိယာ ၁မျိုး၊ ရခိုင်မျိုးနွယ်စုများ၏ လေမှုတ် တူရိယာ ၁၁မျိုး၊ ရှမ်း မျိုးနွယ်စုများ၏ လေမှုတ်တူရိယာ ၂၇မျိုး၊ စုစုပေါင်း လေမှုတ်တူရိယာ ၁၁၂ မျိုး ကိုပြုစုဖော်ပြထားပါသည်။ ၂၀၁၇-၂၀၁၈ခုနှစ်တွင် ထုတ်ဝေခဲ့ပါသည်။

ဖော်ပြပါစာအုပ်များဝယ်ယူ ရရှိနိုင်သည့်နေရာ – စာအုပ်များကို ရုံးအမှတ် ၃၅၊ သာသနာရေးနှင့် ယဉ်ကျေးမှုဝန်ကြီးဌာန၊ အနုပညာဦးစီးဌာန၊ လေ့ကျင့်ရေးနှင့် သုတေသနဌာနခွဲ ဖုန်း ၀၆၇-၄၀၈၄၄၃ တွင် ဝယ်ယူ ရရှိနိုင်ပါသည်။