သာသနာရေးနှင့်ယဉ်ကျေးမှုဝန်ကြီးဌာန၊ အနုပညာဦးစီးဌာန၊ လေ့ကျင့်ရေးနှင့်သုတေသနဌာနခွဲ၊ အနုပညာအထက်တန်းကျောင်း (မန္တလေး)၏ ၂၀၂၁-၂၀၂၂ ပညာသင်နှစ် သင်တန်းဆင်းအောင် လက်မှတ် အပ်နှင်းပွဲအခမ်းအနားကို ၂၈.၃.၂၀၂၂ ရက်နေ့တွင် အမျိုးသားဇာတ်ရုံ(မန္တလေး) ၌ ကျင်းပပြုလုပ်ခဲ့ပါသည်။ အဆိုပါ အခမ်းအနားတွင် မန္တလေးတိုင်းဒေသကြီး ဝန်ကြီးချုပ်က သင်တန်းဆင်း မုဒိတာစကားမြွက်ကြားခဲ့ပြီး ပန်တျာဌာန နှင့် ပန်းချီ၊ ပန်းပုဌာန တို့မှ သင်တန်း ဆင်းကြမည့် ကျောင်းသား၊ ကျောင်းသူများအား သင်တန်းဆင်းအောင်လက်မှတ်နှင့် ဆုတံဆိပ်များ ပေးအပ်ချီးမြှင့်ခဲ့ပါသည်။ ဆက်လက်၍ သာသနာရေးနှင့်ယဉ်ကျေးမှုဝန်ကြီးဌာန၊ အနုပညာဦးစီး ဌာန၊ ညွှန်ကြားရေးမှူးချုပ်က သင်တန်းဆင်းပွဲနှင့် စပ်လျဉ်း၍ ရှင်းလင်းတင်ပြခဲ့ပြီး ပန်တျာဌာနမှ သင်တန်းဆင်း ကျောင်းသား၊ ကျောင်းသူများက ပဒေသာကပွဲဖြင့် ဖျော်ဖြေတင်ဆက်ခဲ့ကြပါသည်။
