ရှေးဟောင်းဝတ္ထုပစ္စည်းများအပ်နှံခြင်းနှင့် လှူဒါန်းခြင်းတို့အတွက် ဆုကြေးငွေနှင့် ဂုဏ်ပြုမှတ်တမ်းလွှာပေးအပ်ချီးမြှင့်
သာသနာရေးနှင့်ယဉ်ကျေးမှုဝန်ကြီးဌာန၊ရှေးဟောင်းသုတေသနနှင့်အမျိုးသားပြတိုက်ဦးစီးဌာနအနေဖြင့် မြန်မာနိုင်ငံတစ်ဝန်းရှိ ယဉ်ကျေးမှုအမွေအနှစ်များကို ရေရှည်တည်တံ့စေရေး ထိန်းသိမ်းခြင်း၊ ရှာဖွေဖော်ထုတ်ခြင်းစသည့် လုပ်ငန်းများကို အကောင်အထည်ဖော် ဆောင်ရွက်လျက်ရှိပါသည်။ ထို့အတူ ယဉ်ကျေးမှုအမွေအနှစ် ရှေးဟောင်းဝတ္ထုပစ္စည်းများကိုလည်း တူးဖော်သုတေသနပြုခြင်း၊ ပြုပြင်ထိန်းသိမ်းခြင်းမှ တွေ့ရှိထိန်းသိမ်းခြင်း၊ လာရောက်လှူဒါန်းမှုများမှ စုဆောင်းထိန်းသိမ်းကာ အမျိုးသားပြတိုက်များ၊ ရှေးဟောင်းသုတေသနပြတိုက်များတွင် ထိန်းသိမ်းပြသခြင်းများ ဆောင်ရွက် လျက်ရှိပါသည်။ မန္တလေးတိုင်းဒေသကြီး၊ ကျောက်ဆည်ခရိုင်၊ […]