သာသနာရေးနှင့်ယဉ်ကျေးမှုဝန်ကြီးဌာနနှင့် မန္တလေးတိုင်းဒေသကြီးအစိုးရအဖွဲ့တို့မှ ပူးပေါင်း၍ မန္တလေးဇီဝိတဒါနသံဃာ့ဆေးရုံကြီး၌ ငွေပဒေသာပင်စိုက်ထူလှူဒါန်းခြင်း၊ ဆွမ်းဆက်ကပ်လှူဒါန်းခြင်း၊ ရေစက်ချအလှူတော်မင်္ဂလာကျင်းပ အမျိုးသားယဉ်ကျေးမှုနှင့်အနုပညာတက္ကသိုလ်(မန္တလေး)၊ ၂၀၂၂-၂၀၂၃ ပညာသင်နှစ် (၁၇) ကြိမ်မြောက် ပန်းချီ၊ ပန်းပုလက်ရာမွန်ပြပွဲနှင့် ဂီတ၊ သဘင်၊ ရုပ်ရှင်နှင့် ပြဇာတ် စင်တင်တင်ဆက်ပွဲအခမ်းအနားသို့ သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး တက်ရောက်အားပေးချီးမြှင့် စက်တင်ဘာလ(၁၀)ရက်၊မန္တလေး
(၁၀.၉.၂၀၂၃)ရက်နေ့ နံနက် ၀၉:၃၀နာရီအချိန် သာသနာရေးနှင့်ယဉ်ကျေးမှုဝန်ကြီးဌာန ပြည်ထောင်စုဝန်ကြီး ဦးတင်ဦးလွင်နှင့် မန္တလေးတိုင်းဒေသကြီးအစိုးရအဖွဲ့ ဝန်ကြီးချုပ် ဦးမျိုးအောင် တို့သည် မန္တလေးတိုင်းဒေသကြီးအစိုးရအဖွဲ့ဝင်ဝန်ကြီးများ သာသနာရေးနှင့်ယဉ်ကျေးမှုဝန်ကြီးဌာန အမြဲတမ်းအတွင်းဝန် ဦးမြင့်ဦးတို့ လိုက်ပါလျက် ချမ်းမြသာစည်မြို့နယ်၊ မန္တလေးဇီဝိတဒါနသံဃာ့ ဆေးရုံကြီး အဆောင်(၈)၌ ကျင်းပပြုလုပ်အပ်သော ငွေပဒေသာပင်စိုက်ထူ လှူဒါန်းခြင်း ရေစက်ချ အလှူတော်မင်္ဂလာအခမ်းအနားကို တက်ရောက်ခဲ့ပါသည်။ […]
